အန္တရာယ် ရပ်ဝန်း (အပိုင်း ၁ - ၇)

အန္တရာယ် ရပ်ဝန်း (အပိုင်း ၁ - ၇)

 (RICHARD PRESTON ၏ “THE HOT ZONE” ကို ပြန်ဆိုသည်။)

Dr. Nancy Jaax (Photo from Kansas State University)

အိမ်ရှင်မ  သို့မဟုတ်  စစ်သည် တစ်ဦး

၁၉၈၃ စက်တင်ဘာ ၂၅ ရက် ၊ ၁၈း၀၀ နာရီ

ချားမိုနက်​ ​သေဆုံး ပြီး ​လေးနှစ်​ ခန့်​ အကြာ။

     အ​မေရိကန်​ ပြည်​​ထောင်​စု ​မေယာလန်း ပြည်​နယ်​ သာ​မောင့်​မြို့ ၏ ည​နေချမ်း အချိန်​။ ကက်​အိုတင်​တောင်​​ကြော ​ပေါ်ရှိ သစ်​ပင်​များမှာ ​ရွှေဝါ​ရောင်​ အဆင်း ဖြင့်​ အစွမ်းကုန်​ ​တောက်​ပ​နေသည်​။ လူငယ်​များ မှာ မြို့လမ်း တစ်​​လျောက်​ ကားကို ဖြည်းဖြည်း ​မောင်းနှင်​ ရင်း ​နွေဦးရာသီ မကုန်​ဆုံး ​စေရန်​ ဆု​တောင်း​ ​နေကြသည်​။ ​ရင့်​မှည့်​​နေသည့်​ ပန်းသီး ရနံ့ ၊ သစ်​ရွက်​ ​ဆွေး တို့၏ ချဉ်​စူးစူး ရနံ့ ၊ ​လယ်​ကွင်းတွင်း မှ ​သွေ့​ခြောက်​​နေသည့်​ ​ပြောင်းရိုး ရနံ့  တို့လွှမ်း​နေသည့်​ ​ဆောင်းဦး အ​ငွေ့အသက်​ တို့က ​လေထဲ ပျံ့နေ​ပေပြီ။ မြို့စွန်​ ရှိ ပန်းသီးပင်​ စုစု တွင်​ သာလိကာ တစ်​အုပ်​ အိပ်​တန်းတက်​ ရင်း စူးစူးရှရှ ​အော်​မြည်​ ​နေကြသည်​။ ကားမီး​ရောင်​ များသည်​ ဂက်​တီးဘတ်​ လမ်းမကြီး တ​စ်​​လျောက်​ ​မြောက်​ဘက်​ သို့ အဆက်​မပြတ်​ စီးဆင်း​ ​နေသည်​။ မြို့ထဲ နှင့်​ မ​ဝေးလှ​သော ဝိတိုရိယ​ခေတ်​ အိမ်​တစ်​လုံး၏ မီးဖို​ချောင်​ ထဲတွင်​ အ​မေရိကန်​ ကြည်း တပ်​ မှ တိရစ္ဆာန်​ ​ဆေးကု ဆရာဝန်​ တစ်​ဦးဖြစ်​​သော ဗိုလ်​မှူး နန်​စီဂျက်​ သည်​ ကလေး များ အတွက်​ ညစာ ချက်​ပြုတ်​ ​နေသည်​။  မိုက်​ကရို​ဝေ့ မီးဖ်ိုထဲ သို့ ကြက်​သား ပန်းကန်​ကို​ ထည့်​ကာ ခလုတ်​ ဖွင့်​လိုက်​သည်​။ ကြက်​သား နူးရန်​ ခန ​စောင့်​ရ မည်​။ သူသည်​ အားကစား ​ဘောင်းဘီ ရှည်​ နှင့်​ တီရှပ်​ ကို ဝတ်​ထားပြီး ဖိနပ်​စီး မထားပါ။ သူ၏ ​ခြေဖဝါး နှစ်​ဖက်​မှာ ကိုယ်​ခံပညာ ​လေ့ကျင့်​ခန်း များ ​ကြောင့်​ အသားမာ တက်​ ​နေသည်​။ နီညို ​ရောင်​ လှိုင်းတွန့်​ ဆံပင်​ များကို ပုခုံး အထက်​ တွင်​ ခပ်​တိုတို ညှပ်​ထားသည်​။ သူ့မျက်​ဝန်း အစုံ မှာ ပယင်း ​ရောင်​ ဝန်းရံထား​သော မျက်​လုံး စိမ်းများ ဖြစ်​သည်​။ သူသည်​ ကင်းဆတ်​ ပြည်​နယ်​ စိုက်​ပျိုး ​မွေးမြူ​ရေး ​ကျောင်းမှ အလှမယ်​ ဘွဲ့ ရခဲ့ ဖူးသည်​။ သူ၏ ကိုယ်​ခန္ဓာ မှာ သွယ်လျပြီး သွက်​လက်​ဖြတ်​လတ်​ သည့်​ ကိုယ်​ဟန်​ မျိုး ဖြစ်​သည်​။ က​လေး နှစ်​​ယောက်​မှာ ​ဆော့ကစား ထားကြ၍​ ​မောပန်း ​နေ​ပေပြီ။ သူတို့ နှစ်​ဦး အတွက်​ ညစာ ကို မြန်​မြန်​ ပြင်​ဆင်​​ ​ပေးရမည်​။ ငါးနှစ်​ သမီး ဂျေမီ က နန်​စီ ၏ ​ခြေ​ထောက်​ ကို ဖက်​ထား ရင်း ​ဘောင်းဘီ ကိုဆွဲ ​နေသည်​။ နန်​စီ က ​ခြေ​ထောက်​ ကို ​ဘေး သို့ ဖယ်​လိုက်​ရာ ​ဂျေမီ က မှီရာ ​နောက်​ တစ်​ဖက်​ ကို ထပ်​ဆွဲ ​နေ ပြန်​သည်​။ ​ဂျေမီ သည်​ အ​မေတူ သမီး ဖြစ်​ပြီး မျက်​လုံးစိမ်း နှင့်​ ဖြစ်​သည်​။ သူ့အသက်​အရွယ်​ အရ ဆိုလျှင်​ အရပ်​ပု ​သေးသည်​။ သား ဖြစ်​သူ ဂျက်​ဆင်​ က ဧည့်​ခန်း ထဲတွင်​ တီဗွီ ကြည့်​ ​နေသည်​။ သူ က တိတ်​တိတ်​ ဆိတ်​ဆိတ်​ ​နေ တတ်​ သည်​။ ယခု အရွယ်​ တွင်​ ပိန်​ပိန်​ သွယ်​သွယ်​ ဖြစ်​​နေ ​ရာ ကြီးလျှင်​ အ​ဖေ ကဲ့သို့ အရပ်​ရှည်​ မည်​ဟု ထင်​ရ​ပေသည်​။ နန်​စီ ၏ ခင်​ပွန်း မှာ ဗိုလ်​မှူး ဂီရယ်​ဂျက်​ ဖြစ်​ပြီး တိရစ္ဆာန်​ ​ဆေးကု ဆရာဝန်​ ပင်​ ဖြစ်​သည်​။ သူ့ကို အားလုံး က ဂျယ်​ရီ ဟု ​ခေါ် ကြသည်​။ ယခု တက္ကဆက်​ သင်​တန်း ​ကျောင်း တွင်​ တာဝန်​ ကျ​နေရာ အိမ်​တွင်​ နန်​စီ နှင့်​ က​လေး နှစ်​ ​ယောက်​ သာရှိသည်​။ ဂျယ်​ရီ က တက္ကဆက်​ တွင်​ အလွန်​ ပူ ​ကြောင်း အိမ်​ ကို လွမ်း ​ကြောင်း နှင့်​ ပြန်​လာ ချင်​​ကြောင်း ဖုန်းဆက်​ သည်​။ နန်​စီ က လည်း သတိရ​ နေသည်​။ သူတို့ ​ကောလိပ်​​ကျောင်း သား ဘဝ စတင်​ ​တွေ့ဆုံခဲ့ ကြသည့်​ အချိန်​ မှ စ၍ ယခုတိုင်​ အကြာ ကြီး ခွဲ မ​နေ ခဲ့ဖူး ပါ။ နန်​စီ နှင့်​ ဂျယ်​ရီ တို့ နှစ်​ ဦး စလုံး မှာ အ​မေရိကန်​ ကြည်းတပ်​ မှ တိရစ္ဆာန်​ ​ဆေးကု ဆရာဝန်​ များ ဖြစ်​ပြီး စစ်​သုံး ​ခွေးများ နွားများ သိုးများ ဝက်​များ လားများ ယုန်​များ ကြွက်​များ ​မျောက်​များ ကို ကြည့်​ရှု ကုသ ရသည်​။ စစ်​တပ်​ ၏ အစားအစာ များကို လည်း စစ်​​ဆေး ​ပေးရသည်​။

     သူတို့ ဒီထရစ်​ တပ်​စခန်း သို့ တာဝန်​ ချထား ခံ ရပြီး ​နောက်​ စခန်း နှင့်​ မနီး မ​ဝေး သွား လာ ရန်​ လွယ်​ကူ သည့်​ ဤ အိမ်​ ကို ဝယ်​ယူ ခဲ့ကြသည်​။ မီးဖို​ချောင်​ မှာ ​သေးငယ်​ ကျဉ်း ​မြောင်း ပြီး နံရံ တွင်​ ​ရေပိုက်​များ မီးကြိုးများ တွဲ​လောင်း ကျ​နေ သည်​။ မီးဖို​ချောင်​ အနီးတွင်​ ဧည့်​ခန်း ရှိပြီး ပြူတင်း​ပေါက်​ တစ်​ခု ရှိသည်​။ ပြူတင်း​ပေါက်​ နားတွင် စု​ဆောင်းထား​သော ​ အပူပိုင်း ​ဒေသ အပင်​ငယ်များ နှင့်​ ဖန်းပင်​ များ ရှိသည်​။ ထို့အပြင်​ ဟာကီ ဟု အမည်​ ​ပေးထား​သော အ​မေဇုံ ကြက်​တူ​ရွေး တစ်​​ကောင်​ထည့်​ထား သည့်​ ငှက်​​လှောင်​အိမ်​ တစ်​ခု လည်း ရှိသည်​။ ဟာကီ က ​တေးဆို ညည်း ​နေသည်​။ “မာမီ မာမီ” ဟု ဂျက်​ဆင်​ ၏ ရုတ်​တရက်​ ​ခေါ်သံ ကြားလိုက်​ ရသည်​။ ဂျက်​ဆင်​ ၏ အသံ နှင့်​ တူ ၍ နန်​စီ က "ဘာလဲ သား" ဟု ထူးလိုက်​ ပြီးမှ ဟာကီ ​ခေါ်လိုက်​ မှန်း သတိပြု မိသည်​။ ဟာကီ က နန်​စီ ၏ ပုခုံး ​ပေါ် နားချင်​ ​နေသည်​။ “မာမီ” “ဂျယ်​ရီ” ​“ဂျေမီ” “ဂျက်​ဆင်​” စသည်​ ဖြင့်​ အိမ်​သား အားလုံး ကို ​အော်​​ခေါ်​ ​နေသည်​။ မည်​သူ မျှ ပြန်​ မထူး ၍ သူဘာသာသူ ကာနယ်​ ဘိုဂီ ​တေးသွား ကို ​လေချွန်​ ​နေ ​တော့သည်​။ နန်​စီ သည်​ ဟာကီ ကို ​လှောင်​အိမ်​ ထဲမှ မထုတ်​ နိုင်​​တော့ ပါ။ သူသည်​ ပန်းကန်​ များ ကို စားပွဲ​ပေါ်သို့ မြန်​မြန်​ဆန်​ဆန်​ ချ​နေသည်​။ သူ၏ လက်​မှာ အလွန်​လျင်​မြန်​စွာ ဇယ်​ဆက်​ သလို လှုပ်​ရှား​ ​နေသည်​။ ဒီထရစ်​ စခန်း မှ အရာရှိ အချို့ က ဆိုးခနဲ ဆတ်​ခနဲ လျင်​မြန်​ စွာ လှုပ်​ရှား တတ်​သည့်​ သူ၏ လက်​ လှုပ်​ရှားဟန်​ ကို သတိပြုမိ ကြပြီး ညင်​သာစွာ ကိုင်​တွယ်​ လုပ်​​ဆောင်​ ရမည့်​ အန္တရာယ်​ များ​သော လုပ်​ငန်း များ လုပ်​​ဆောင်​ ရန်​ မသင့်​ ဟု ​ပြောကြသည်​။ ထိုအချက်​သည်​ အမျိုသမီး အရာရှိ တစ်​ဦး အ​နေဖြင့်​ စစ်​တပ်​တွင် ရာထူးတိုးရန်​ အဟန့်​  အတား ဖြစ်​​နေသည်​ဟု သူထင်​မိသည်​။ ​ ထို့​ကြောင့်​ပင်​ သူ၏ လှုပ်​ရှားမှုများ တည်​ငြိမ်​​ တိကျ​ သေချာ​စေ ရန်​ နန်​စီ သည်​ ကိုယ်​ခံပညာ သင်​တန်း တက်​ခဲ့ ခြင်း ဖြစ်​သည်​။ နန်​စီ ၏ အရပ်​မှာ ငါး​ပေ ​လေးလက်​မ ရှိသည်​။ သူသည်​ အရပ်​ ​ခြောက်​​ပေ ​ကျော်​ လူ​ကောင် ​ထွားထွား စစ်​သားကြီး များနှင့် သတ်​ပုတ်​ ​လေ့ကျင့်​ ရင်း သူတို့၏ ​ခေါင်းပိုင်း အား အမြင့်​ကန်​ ချက်ဖြင့်​​ ကန်​နိုင်သည်​ကို ​ကျေနပ်​မိသည်​။ ပြိုင်​ဖက်​ အား တိုက်​ခိုက်​ ရာတွင်​ ​ခြေ​ထောက်​ ကို ပို၍ အသုံးပြုသည်​။ ကိုယ်​ကို တစ်​ပတ်​လှည့်​ပြီး ​နောက်​ပြန်​ ကန်​လျှင်​ အုတ်​ချပ်​ ​လေးချပ်​ ကျိုး ​အောင် ကန်​နိုင်​ ရာ ရန်​သူ တစ်​​ယောက်​ကို ​ခြေဗလာ နှင့်​ သုတ်​သင်​ နိုင်​သည့်​ အဆင့်​ ​ရောက်​ပြီ ဖြစ်​သည်​။ တခါတရံ သင်​တန်းမှ ပြန်​လာလျှင်​ ​ခြေ​ချောင်း​လေး ကျိုး လာတတ်​သည်​။ နှာ​ခေါင်း​သွေး လျှံ လာတတ်​သည်​။ မျက်​လုံးများ ညိုမည်း လာတတ်​သည်​။ ထိုအခါမျိုးတွင်​ ဂျယ်​ရီ ခမျာ ​ ခေါင်း တရမ်းရမ်း နှင့်​ ကြည့်​​နေတတ်​သည်​။       

Dr Jerry Jaax 

(Photo from Kansas State University)

     နန်​စီ သည်​ အိမ်​မှု ကိစ္စများ လုပ်​ရန်​ စိတ်​မရှည်​ပါ။ သို့​သော်​လည်း အားလုံး ကို သူကိုယ်​တိုင်​ ပင်​ လုပ်​ရသည်​။ မအားမလပ်​ သည့်​ ကြားက ကြမ်းခင်း ​ကော်​​ဇော များတွင်​ ​ပေကျံ ​နေသည့်​ ဂျယ်​လီများ ကို တိုက်​ချွတ်​ ​ဆေးရသည့်​ အခါ အလွန်​ စိတ်​တို မိသည်​။ တခါတရံ အိမ်​သန့်​ရှင်း ​ရေး လုပ်​ရင်း အလွန်​အမင်း စိတ်​တို ကာ ဝုန်းတိုင်း ကြဲ မိ တတ်​သည်​။ ချက်​​ရေးပြုတ်​​ရေး မီးဖို​ချောင်​ ကိစ္စ ကိုလည်း နန်​စီ သာ လုပ်​ရသည်​။ ဂျယ်​ရီ က​တော့ မီးဖို​ချောင်​ထဲ တွင်​ ဘာမှ သုံးမရပါ။ သူတို့ နှစ်​​ယောက်​ အကြား စကားများရ သည့်​ ကိစ္စ တစ်​ခုရှိသည်။ ယင်းမှာ ဂျယ်​ရီ ၏​ ရုတ်​တရက်​ စိတ်​ကူးရ လျှင်​ ရသလို ​မော်​​တော်​ဆိုင်​ကယ်​ ရွက်​​လှေ တို့ကို ဝယ်​တတ်​ သည့်​ အကျင့်​ ဖြစ်​သည်​။ ကင်းဆတ်​ တွင်​ တာဝန်​ ကျ စဉ်​ က ရွက်​​လှေ တစ်​စင်းကို ဝယ်​ခဲ့သည်​။ ထို့​နောက်​ အတွင်းပိုင်းတွင်​ အနီ​ရောင်​ သား​ရေဖြင့်​ အလှဆင်​ ထား သည့်​ ဒီဇယ်​ ကားဒီးလက်​ တစ်​စီးကို ဝယ်​ခဲ့ ပြန်​သည်​။ သူတို့နှစ်​ဦး ရုံး သွား ရုံးပြန်​ အတူစီး ကြသည်​။ သို့​သော်​ ကားဖိုး ​ငွေ ပင်​ မ​ကျေ​သေး ကား​မောင်း သွားလျှင်​ တလမ်းလုံး မီးခိုး ​တွေ ဖုံး​နေ​အောင်​ ထွက်​လာ​တော့ သည်​။ ​နောက်​ဆုံး နန်​စီ မှာ သည်း မခံ နိုင်​​တော့ဘဲ ရှင့်​ ကား နဲ့ ကျွန်​မ ရုံးမသွား ​တော့ဘူး ဆိုကာ ​ပေါက်​ကွဲ ​သောင်းကျန်း မှ ထို အနီ​ရောင်​ သား​ရေ ကားဒီးလက်​ ကို ​ရောင်းပြီး ဟွန်​ဒါ အ​ကော့ တစ်​စီးကို ထပ်​ဝယ်​ရသည်​။

     ဤ မြို့ ရှိ ဝိတိုရိယ ​ခေတ်​ အိမ်​ များထဲတွင်​ သူတို၏ အိမ်​ မှာ အကြီး ဆုံး ဖြစ်​သည်​။ လမ်း​ထောင့်​ တွင်​ ရှိပြီး အ​ရေး​ပေါ် လူနာတင်​ ကားစခန်း နှင့်​ ကပ်​​နေသည်​။ အ​ရေး​ပေါ် ကား ဥဩသံ ​ကြောင့်​ ညစဉ်​ လန့်​နိုး ကြသည်​။ ဤအိမ်​ ကို ​ရောင်းရန်​ ​ကြော်​ငြာ ထား​ သည်​မှာ ကြာပြီ ဖြစ်​​သော်​လည်း ဝယ်​မည့်​သူ မရှိ​ပေ။ ပိုင်​ရှင်​​ဟောင်း မှာ ​မြေ​အောက်​ အခန်း ထဲ၌ ဆွဲကြိုးချ ကာ သတ်​​သေ သွားသည်​ ဟု ​ပြောကြသည်​။ ထို့​ကြောင့်​ပင်​ ဤ အိမ် ကို ​ဈေးချိုချို ဖြင့်​ ဝယ်​ယူ နိုင်​ခဲ့သည်​။ အိမ်​ ဝယ်​ ပြီး တစ်​ရက်​တွင်​ ​သေဆုံးသူ အိမ်​ပိုင်​ရှင်​ ၏ ဇနီး ဟုဆိုသူ အမယ်​အို တစ်​ဦး ​ရောက်​လာကာ သူ၏ ​နေရာ​ဟောင်း​လေး ကို နှုတ်​ဆက်​ သည့်​ အ​နေဖြင့်​ လှည့်​ပတ်​ ကြည့်​ရှာသည်​။ အမယ်​အို သည်​ နန်​စီကို စူးစူး ကြည့်​ကာ " မိန်းက​လေး မင်းလည်း ငါ့လို ဒီအိမ်​ကြီး ကို မုန်းသွား မှာပါ " ဟု​ပြောကာ ထွက်​ခွာ သွားခဲ့သည်​။

     သူတို့အိမ်​တွင်​ ကြက်​တူ​ရွေး တစ်​​ကောင်​ အပြင်​ ဆမ်​ဆင်​ ဟု အမည်​​ပေး ထား​သော စပါးအုံး​မြွေ တစ်​​ကောင်​လည်း ရှိ​သေးသည်​။ သူကို ဧည့်​ခန်း ထဲတွင်​ ​လှောင်​အိမ်​ နှင့်​ ထားသည်​။ တခါတရံ ​လှောင်​အိမ်​ မှထွက်​၍ တစ်​အိမ်​လုံး အနှံ့ ​လျှောက်​သွား​နေတတ်​သည်​။ တစ်​ခါက ထမင်းစား စားပွဲ ​ခြေ​ထောက်​ အ​ခေါင်း ထဲ ဝင်​ကာ ရက်​အတန်​ကြာ အိပ်​​နေခဲ့သည်​။ နန်​စီ အဖို့ ထမင်းစား ရင်း ဘယ်​အချိန်​ ထွက်​လာမလဲ ဟု ​တွေးကာ အသည်းယား ​နေရသည်​။ တစ်​ခါက လည်း ဆမ်​ဆင်​ သည်​ ​လှောင်​အိမ်​ ထဲ မှ ထွက်​သွားကာ ရက်​ အတန်​ ကြာ ​ပျောက်​​နေခဲ့ သည်​။ ထမင်း စားပွဲ ​ခြေ​ထောက်​ အ​ခေါင်းထဲ မှာလည်း မရှိ။ ​ပျောက်​ခြင်း မလှ ​ပျောက်​ ​နေ ခဲ့သည်​။ တစ်​ည အိမ်​အ​ပေါ်ထပ်​ ရှိ စာကြည်​ခန်း တွင်​ ညဉ့်​နက်​ သည်​အထိ စာဖတ်​ ​နေ စဉ်​ ဆမ်​ဆင်​ က ထုတ်​ တန်း မှ တွဲ​လောင်း ဆွဲ ပြီး နန်​စီ ၏ မျက်​နှာ အနား ​ပေါ်လာ ရာ နန်​စီ ၏ ​​ကြောက်​လန့်​တကြား ​အော်​ဟစ်​သံမှာ တစ်​အိမ်​ လုံး ဖုံး လွှမ်း သွား ​တော့သည်​။ သူတို့တွင်​ အိုင်းရစ်​ အမဲလိုက်​​ခွေး တစ်​​ကောင်​နှင့်​ တယ်​ရီရာ တစ်​​ကောင်​လည်း ရှိ​သေးသည်​။ ဂျယ်​ရီ တစ်​​ယောက်​ တာဝန်​ အမျိုးမျိုး ​ပြောင်း​ရွှေ့ ထမ်း​ဆောင်​ရတိုင်း မိသားစု ဝင်​များ ပမာ သူတို့ ကိုလည်း တစ်​ပါတည်း ​ခေါ်​ဆောင်​ သွား ရသည်​။

     နန်​စီ သည်​ ဂျယ်​ရီ ကို အလွန်​ ချစ်​သည်​။ ဂျယ်​ရီ မှာ အရပ်​ရှည်​ရှည်​ အညို​ရောင်​ ဆံပင်​ နုနု စူးရှသည့်​ မျက်​ဝန်း ညိုညို နှင့်​ နှာ​ခေါင်း ချွန်​ချွန်​ တို့ကို ပိုင်​ဆိုင်​သည့်​ ​ချော​မော သူ တစ်​ဦး ဖြစ်​သည်​။ သူသည်​ နန်​စီ ကို တစ်​မိုး​အောက်​ တစ်​​ယောက်​ ထင်​သူ ဖြစ်​သည်​။ သူတို့ နှစ်​ဦး၏ ​ အိမ်​​ထောင်​သည်​ ဘဝ တွင်​ ပြင်​ပ လူမှု ဆက်​ဆံ​ရေး မရှိသ​လောက် ပင်​ဖြစ်​သည်​။ ကင်း​ဆက်​ ပြည်​နယ်​ လယ်​​တော ယာ​တော များတွင်​ ကြီးပြင်း လာကြသူများ ဖြစ်​ပြီး ငယ်​စဉ်​ က တစ်​ဦးနှင့်​ တစ်​ဦး သိကျွမ်း ခဲ့ ခြင်း မရှိ​ပေ။ ကင်းဆက်​ပြည်​နယ်​ တိ​မွေးကု ​ကျောင်း တွင်​ ​တွေ့ဆုံ ခဲ့ကြပြီး ​နောက်​ ရက်​သတ္တပတ်​ အနည်းငယ်​ အကြာတွင်​ ​စေ့စပ်​ ခဲ့ကြသည်​။ နန်​စီ အသက်​ နှစ်​ဆယ်​ တွင်​ လက်​ထပ်​ခဲ့သည်​။ ဘွဲ့ရ ပြီးချိန်​တွင်​ နှစ်​ဦးသား အ​ကြွေးပတ်​လည်​ ဝိုင်း​နေခဲ့သည်​။ ​ဆေးခန်းဖွင့်​ရန်​ လည်း ​ငွေမရှိ ကြ​ပေ။ ​နောက်​ဆုံး နှစ်​ဦး စလုံး တပ်​ထဲသို့ ဝင်​ခဲ့ကြသည်​။

Colonel Nancy Jaax and Colonel Gerald Jaax

(Photo from www.stanford.edu)

     နန်​စီ မှာ ကြားရက်​များတွင်​ ချက်​ပြုတ်​ ချိန်​ မရှိ​ပေ။ စ​နေ​နေ့ တွင်​ အချိန်​ယူ ကာ ချက်​ရသည်​။ အမဲသားနှပ်​ တစ်​အိုး သို့မဟုတ်​ ကြက်​သား ပြုတ်​ တစ်​အိုး လုပ်​ကာ ​ရေခဲ​သေတ္တာ ထဲ ထည့်​သိမ်းထား ရသည်​။ ကြားရက်​ အလုပ်​မှပြန်​ လာ သည့်​ ညများတွင်​ ဟင်းအိုးကို ​ရေခဲ​သေတ္တာ မှ ထုတ်​ကာ မိုက်​ခရို​ဝေ့ မီးဖိုထဲ ထည့်​​နွှေး ကာ ဟင်းတစ်​မည်​ ဖန်​တီး ရသည်​။ ယ​နေ့ည စာ ဖန်​တီး ရန်​ ကြက်​သားပြုတ်​ ကို ​နွှေးရင်း အသီး အနှံ တစ်​ခုခု နှင့်​ ​ရောချက်​ရန်​ စိတ်​ကူး မိသည်​။ ပဲစိမ်း ဘူး​တွေ ရှိ​သေးသည်​။ က​လေးတွေ ကလည်း ပဲစိမ်း ကို ကြိုက်​သည်​။ နန်​စီ သည်​ အံဆွဲ တစ်​ခု ကို ဆွဲဖွင့်​ ပြီး ပဲစိမ်းဘူး တစ်​ဘူး ကို ယူလိုက်​သည်​။ အခြား အံဆွဲ များကို ဖွင့်​ ပြီး စည်​သွပ်​ဘူး ​ဖောက်​တံ ကို ရှာ သည်​။ မ​တွေ့။ ​နောက်​ဆုံး မီးဖို​ချောင်​ သုံး ပစ္စည်း များ ထည့်​သည့်​ အံဆွဲ ကြီး ကို ဖွင့်​ရှာသည်​။ အထဲတွင်​ ဇွန်းများ နှင့်​ သစ်​သီး နွှာသည့်​ ကရိယာ များသာ ရှိသည်​။ စည်​သွပ်​ဘူး ​ဖောက်​တံ က ဘယ်​​ချောင်​ ခို​နေသည်​ မသိ။ နန်​စီ စိတ်​မရှည်​ ​တော့။ သားလှီးဓားကို ဆွဲယူ လိုက်​သည်​။ သူ၏ ဖခင်​ က သားလှီးဓား ဖြင့်​ စည်​သွပ်​ဘူး မဖွင့်​ ရ ဟု ဆုံးမဖူး ​သော်​လည်း နန်​စီ က ဘယ်​​တော့ မှ နားမ​ထောင်​ခဲ့ ​ပေ။ ဓားဦးကို ဘူး အဖုံး ​ပေါ် စိုက်​ချ လိုက်​ပြီး ညာဘက်​ လက်​ဖ​နောင့်​ ဖြင့်​ ဓားရိုး ကို ရိုက်​ချလိုက်​သည်​။ သို့​သော်​ မထင်​မှတ်​ဘဲ လက်​က ဓားရိုး ကို ​ချော်​ကာ ဓားသွား ​ပေါ် ​လျောကျ သွားသည်​။ သားလှီးဓား မှာ ကြမ်းပြင်​​ပေါ် ကျသွားပြီး မီးဖို​ချောင်​ စားပွဲ ​ပေါ် ​သွေးများ ဖြာဆင်း သွား သည်​။ ဓား သွားက သူ၏ ညာဘက်​ လက်​ဖဝါး ကို အ​တော်​ နက်​ ​အောင်​ လှီး ဖြတ်​ သွားသည်​။ နန်​စီ သည်​ လက်​ဖဝါး အရွတ်​ ပြတ်​သွား လား အရိုး ထိသွား လား ​တွေး ကာ စိုးရိမ်​ သွားသည်​။ သွေးတိတ်​​အောင်​ ဓားဒဏ်​ ရာကို ဖိထားပြီး လက်​​ဆေး ကန်​ သို့ အမြန်​ သွားသည်​။ ​ပိုက်​​ခေါင်းကို ဖွင့်​ချပြီး လက်​ကို ​ရေ​ အလျဉ်​​အောက်​ ခံထား လိုက်​သည်​။ လက်​​ဆေးကန်​ တစ်​ခုလုံး နီရဲ သွားသည်​။ လက်​​ချောင်း ​လေးများ ကို ​ဆုပ်​လိုက်​ ဆန့်​လိုက်​ လုပ်​ကြည့်​ သည်​။ ရသည်​။ ဒါဆို အရွတ်​ ပြတ်​မသွား ​သေးပါ။ ​တော်​ပါ​သေးရဲ့။ ဒဏ်​ရာ ရထားသည့်​ ညာလက်​ ကို အ​ပေါ်​မြှောက်​ ထားကာ အခန်းထဲ ဝင်​ပြီး ​ဆေးပလတ်​စတာ ယူသည်​။ ​သွေးခဲပြီး တိတ်​သွားရန်​ ခန ​စောင့်​ ​နေပြီး ပလတ်​စတာ ကို ဒဏ်​ရာ အ​ပေါ် ဖိအုပ်​ကာ အသား​စေ့သွား ​အောင်​ ဆွဲကပ်​ လိုက်​သည်​။ ​သွေး ဆိုလျှင်​ ကိုယ့်​ ​သွေး ကို ​တောင်​မှ သူ မမြင်​ချင်​။ ​သွေး အ​ကြောင်း သူ ​ကောင်း​ကောင်း သိသည်​။ ​သွေထဲ တွင်​ ပါလာ တတ်​သည့်​ အရာများကို လည်း သူ ​ကောင်း​ကောင်း သိသည်​။ နန်​စီ သည်​ လက်​ က​ ဒဏ်​ရာ​ကြောင့်​ က​လေးများကို ​ရေ ချိုး မ​ပေးနိုင်​​တော့​ ​ပေ။ သူတို့ ကို ပုံမှန်​ အတိုင်း အိပ်​ရာ ဝင်​ ​စေသည်​။ ထိုည တွင်​ ​ဂျေမီ က နန်​စီ နှင့်​ အတူ အိပ်​သည်​။ ဂျယ်​ရီ က အ​ဝေး ​ရောက်​​နေသည်​ မဟုတ်​လား။ ဂျယ်​ရီ ခရီး ထွက်​​နေတိုင်း ​ဂျေမီ အားငယ်​ နေတတ်​ ရာ သူ့ကို နှစ်​သိမ့်​ ​ပေး ရပေမည်​။