ကျွန်မဖေဖေ တိန့်ရှောင်ဖိန်
ရေးသူ - မော်မော် (Mao Mao)
အစည်းအဝေး ဆုံးဖြတ်ချက် တွင် အောက်ပါ အတိုင်းဖော်ပြထားပါသည်။
“ ရဲဘော် တိန့်ရှောင်ဖိန် သည် ကျွန်ုပ်တို့ နိုင်ငံတော် ရှိ တိုင်းရင်းသား ပြည်သူ အပေါင်း က မြင့်မြတ်သော၊ ဂုဏ်သိက္ခာရှိသော၊ ထူးချွန်ပြောင်မြောက်သော ခေါင်းဆောင် အဖြစ် အသိအမှတ် ပြုခံရသူ ဖြစ်ပါသည်။"
"ပါတီ က ဦးဆောင်မှု ပြုသော တော်လှန်ရေး၊ တည် ဆောက်ရေး သမိုင်း ကာလ များ တွင် ရဲဘော် တိန့်ရှောင်ဖိန် သည် ကြီးမား ပြောင်မြောက် သော စွမ်းဆောင်မှု များ ပြုခဲ့ပါသည်။”
“ ရဲဘော် တိန့်ရှောင်ဖိန် သည် ကျွန်ုပ်တို့ ပါတီ နှင့် နိုင်ငံတော် အတွက် ထူးခြားသော စွမ်းဆောင်မှု များ ပြုခဲ့ သည် ဟု ယခု အစည်းအဝေးကြီး က မြင့်မားစွာ အကဲဖြတ် ပါသည်။"
"ရဲဘော် တိန့်ရှောင်ဖိန် သည် ထူးချွန်သော မာ့စ် ဝါဒီ၊ ထက်မြက် သော ကွန်မြူနစ် ဝါဒီ၊ ပြောင်မြောက်သော ပစ္စည်းမဲ့ လူတန်းစား တော်လှန်ရေးသမား၊ နိုင်ငံရေးသမား၊ စစ်ရေးပညာရှင် ပီသရုံ သာမက၊ ကျွန်ုပ်တို့ ပါတီ နှင့် နိုင်ငံတော် ၏ ရေရှည် စမ်းသပ်ခံ၊ မှတ်ကျောက်တင်ခံ၊ ထုသားပေသား ကျပြီး သော ခေါင်းဆောင် ဖြစ်ကြောင်း ကို နှစ်ပေါင်း ၄-၅-၆၀ ကြာ တော်လှန်ရေး လက်တွေ့ ဆောင်ရွက်ချက် များ အရ ပေါ်လွင် ထင်ရှား လှပါသည်။
"သူသည် မာ့စ်-လီနင် ဝါဒ အခြေ ခံ သဘောတရားများ ကို တရုပ်ပြည် လက်တွေ့ အခြေအနေနှင့် အပြန်အလှန် ပေါင်းစပ် ကျင့်သုံးသော သဘောတရား နှင့် ရှုမြင် သုံးသပ်ချက် အား ဖော်ထုတ်ခဲ့သည်။ ယင်းသည် မော်စီတုန်း အတွေးအခေါ် ၏ အရေးပါသော အစိတ်အပိုင်း ဖြစ်သည်။ မော်စီတုန်း အတွေးအခေါ်ကို သမိုင်းအခြေအနေသစ် အောက်တွင် အမွေဆက်ခံကာ ဖွံ့ဖြိုး တိုးတက် စေခြင်းဖြစ်သည်။ ယင်း သည် တရုပ်ပြည် ကွန်မြူနစ် ပါတီ နှင့် တရုပ်ပြည်သူ တို့၏ အဖိုးထိုက်တန် သော အတွေးအခေါ်နှင့် စိတ်ပိုင်းဆိုင်ရာ ဥစ္စာ ဓန လည်း ဖြစ်ပါသည်။”
ဤသည်မှာ ဘိုးဘွား နိုင်ငံတော် အတွက်၊ ပြည်သူလူထု အတွက်၊ ပါတီ အတွက် အသက်နှင့် ခွန်အား အလုံးစုံ စိုက်ထုတ် လုပ်ကိုင်ခဲ့သူ တစ်ဦး အပေါ် ပါတီ နှင့် ပြည်သူ တို့၏ ကြီးမြတ်သော အကဲဖြတ် မှုပင် ဖြစ်ပါသည်။
No comments:
Post a Comment